Vínklúbbur fyrir þau sem hafa áhuga á víni

The Macallan: skoskt viskí eins og þau gerast best

Skömmu fyrir síðustu aldamót hófst hálfgerð gullöld viskísins um víða veröld hvað vinsældir varðar meðal tegunda af sterku áfengi og nú til dags er hægt að fá prýðisgott viskí frá hinum ýmsu löndum heims. Upprunaland viskís er eftir sem áður Skotland, svæðið í Skotlandi sem flestir horfa til í leit að hinum gylltu goðaveigum eru Hálöndin svokölluðu, og sá hluti Hálandanna sem geymir flestar af bestu viskígerðunum er svæðið sitt hvorum megin við ánna Spey, hið svokallaða „Speyside.“  Eitt þekktasta virtasta viskíhúsið af þeim öllum er svo The Macallan, þar sem margar af dýrustu og eftirsóttustu viskítegundum heims verða til.

 

 

Þar sem frjósamur jarðvegur og írskur munkur koma saman …

Nafnið, The Macallan, er þannig tilkomið það er upprunalega samsett úr forn-gelísku orðunum magh annars vegar, sem merkir frjósamur jarðvegur, og svo ellan, sem dregið er af heilögum Fillan, sem var írskur munkur sem ferðaðist um Skotland þvert og endilangt til að boða kristna trú á 8. öld. Úr þessum tveimur orðum var til Maghellan, heitið á landareigninni og það þróaðist yfir í The Macallan. Ef einhver er hins vegar að velta því fyrir sér hvaðan orðið whisky er komið þá er það aftur á móti algerlega á hreinu. Uppruni þess liggur skiljanlega sömuleiðis í forn-gelísku; aqua vitae, sem er latneska yfir lífsins vatn, útleggst er uisge beatha á gelísku og fyrri hlutinn varð með tímanum „whisky“.

 

 

Sama heimilið frá upphafi vega

Saga The Macallan er dável skrásett og liggur meðal annars fyrir að það hefur verið í stöðugri framleiðslu allt frá árinu 1824. Það var árið þegar kennari nokkur að nafni Alexander Reid, sem ræktaði bygg í hjáverkum, ákvað að setja viskígerð á laggirnar. Hann átti ekki langt að sækja þann áhuga því bændur á svæði höfðu öldum saman lagað viskí úr umframuppskerunni, sem gat komið sér vel til að eiga yfir vetrarmánuðina. Frá upphafi sinnar sögu hefur The Macallan átt varnarþing sitt og heimili í fallegum herragarði, Easter Elchies House, sem stendur við bakka ánnar Spey. Þó húsakostur framleiðslunnar og yfirbygging sé í dag talsvert umfangsmeiri gætir fyrirtækið þess að standa vörð um sögu sína og arfleifð og gleymir ekki upprunanum. Easter Elchies House, sem reist var árið 1700, er enn þann dag í dag það sem kallast „The Spiritual Home of Macallan.“

 

 

Hvernig er best að njóta The Macallan?

Hér í eina tíð þóttu það helgispjöll að drekka úrvalsviskí á borð við The Macallan með neinum öðrum hætti en ósnortið beint úr flöskunni. Það stendur auðvitað alltaf fyrir sínu að dreypa á vönduðu viskíi óblönduðu og víst er að margir kjósa að hafa þann háttinn á. En þessi harðlínustefna hefur verið á undanhaldi hin seinni ár, sumpart vegna hinnar miklu bylgju handverkskokteila sem tröllriðið hefur barsenunni upp á síðkastið.

 

 

Einn ísmoli, lögg af vatni eða bara ekki neitt

Auk þess er smekkur manna misjafn á það hvernig best er að njóta viskís og hér gildir að í raun er ekkert sem heitir rétt eða rangt í þessum efnum. Ef þú átt viskíið í glasinu ræður enginn nema þú hvernig þú kýst að njóta þess. Best er bara að prófa sig áfram og dreypa á því óblönduðu, þá með nettri skvettu af svölu vatni, og loks með einum ísmola. Viskíið breytir talsvert um svip eftir því hvaða háttur er hafður á af framangreindu, og það sem þér finnst best er einmitt rétta leiðin fyrir þig að njóta The Macallan.

 

 

En ef mig langar í bita með?

Öndvegisviskí á borð við The Macallan er ekki endilega það fyrsta sem fólki kann að detta í hug til að para með mat, en þó er alls ekki fráleitt að hafa einhvern vel valinn matarbita á kantinum þegar hinn dýrindis vökvi glitrar í glasinu. Merkilegt nokk þá passa margar gerðir  osta hreint glettilega vel með viskíi, allt frá kremuðum brie til hins vaxkennda primadonna. Súkkulaði er að flestra mati syndsamlega gott maul með vönduðu viskíi, ekki síst úrvalssúkkulaði í dekkri kantinum og þá með háu kakóbaunainnihaldi. Þá er tilvalið að setja sæta ávexti með frekar mildu bragði á disk til að hafa með viskíinu. Þarna er algengast að bjóða upp á vel þroskuð gul epli og perur. Gallsúr græn epli og sítrusávexti er aftur á móti betra að láta kyrra í þessu sambandi því sýran í þeim sker um of í bragðið af viskíinu og skemmir, eða hreinlega yfirgnæfir það alfarið.

 

 

The Macallan og grunnstoðirnar sex

Það er til marks um metnaðinn hjá viskíhúsi The Macallan að fyrirtækið hefur skilgreint sex grunnstoðir sem saman eru ástæður þess hve mikið yfirburðaviskí The Macallan er.

Að endingu skal látið hér fylgja með hverjar þær eru, lesendum til fróðleiks:

1. Heimilið – Easter Elchies House. Þar sem hið víðfræga viskí varð til fyrir 190 árum síðan – þar sem hjartað slær.

2. Óvenju litlir eimarar – ástæða þess hve margslungið, flauelsmjúkt og ávaxtaríkt viskíið er.

3. Úrvalseiming – aðeins 16% af vökvanum sem verður til við eiminguna fær að fara á eikartunnur til að þroskast og verða að viskíi. Það besta af því besta.

4. Afburða eikartunnur – The Macallan leggur meira upp úr að finna, smíða og þroska eikartunnurnar sínar en nokkur annar viskíframleiðandi.

5. Náttúrulegur litur – hinn margslungni litur viskíanna frá The Macallan kemur aðeins og eingöngu úr viðnum sem er að finna í áðurnefndum eikartunnum. Litarefni eru aldrei notuð.

6. Viskíið sjálft – The Macallan, hið óviðjafnanlega viskí, eitt af öndvegisviskíium heimsins.

Að endingu verður ekki hjá því komist að kenna viðstöddum hvernig á að bera sig að þegar kemur að því að lyfta glasi með skosku öndvegisviskíi, og segja „skál!“ á gelísku. Það er gert með því að segja Slàinte mhath (borið fram „slandsja var“) en það þýðir „skál fyrir heilsu þinni!“.

 

The Macallan Triple Cask Matured  12 ára

Lýsing: Ljósrafgullið. Ósætt. Þurrkaðir ávextir, leður, létt reykt eik, vanilla. Heitt eftirbragð.

Styrkleiki: 40%

Verð: 12.499 kr.

Fæst í Vínbúð.

The Macallan Double Cask 12 ára

Lýsing: Gullið. Ósætt. Malt, tunna, blómlegt, vanilla. Rúsínur, karamella. Langt heitt eftirbragð.

Styrkleiki: 40%

Verð: 12.499 kt.

Fæst í Vínbúð.

The Macallan Rare Cask Batch No. 1

Lýsing: Mahony rautt. Ósætt. Tunna, vanilla, súkkulaði, sítrus. Langt heitt eftirbragð.

Styrkleiki: 43%

Verð: 34.999 kr.

Væntanlegt í Vínbúð 1. desember.

The Macallan Triple Cask Matured 18 ára

Lýsing: Gullið. Ósætt. Flauels mjúkt, appelsínu súkkulaði, vanilla, reykt eik.

Styrkleiki: 43%

Verð: 34.999 kr.

Hægt að sérpanta í gegnum Vínbúðina.

The Macallan Fine Oak Single Malt 21 ára í trékassa

Lýsing: Rafgullið. Ósætt. Bourbon eik, sítróna, mjúkur kryddaður reykur.

Styrkleiki: 43%

Verð: 52.999 kr.

Hægt að sérpanta í gegnum Vínbúðina.

The Macallan Reflexion

Lýsing: Gullið. Rúsínur, epli, kanill, engifer. Ristuð eik, mjúk áferð. Langt heitt eftirbragð.

Styrkleiki: 43%

Verð 124.999 kr.

Væntanleg í Vínbúð 1. desember.

An Apple a Day

 

Uppskrift:

40ml Jim Beam
20ml íslenskt rifsberjavín.
10ml heimagert íslenskt furuköngla-síróp
30ml nýkreistur ferskur eplasafi
Kokteillinn er hristur og borinn fram í kældu glasi. Skreyttur með þurrkaðri eplasneið.

Innblástur:

Þegar ég hugsa um það sem er sérlega íslenskt að gera, er eitt af því að vera nýtinn og nýta þá allt það sem náttúran býður upp á. Öldum saman hafa Íslendingar lifað með náttúrunni og því sem hún býður upp á.
Náttúran gaf Íslandi hákarl, Íslendingar kæstu hann til þess að geta boðað hann. Á Íslandi er ekki mikið um tré, en einhver af þeim fáu sem eru hér gefa af sér furukönglana sem ég notaði. Ísland gefur líka af sér kindur, Íslendingar nota allan skrokkinn frá toppi til táar. Það sem náttúran gefur Íslandi ekki, finna Íslendingar leiðir til að útvega sér. Þess vegna, í staðinn fyrir að nota sítrónu eða lime fyrir sýru, þá notaði ég nýkreistan safa úr grænu epli til að ná drykknum saman. Ég notaði smá af rifsberjavíni úr íslenskum rifsberjum. Þau bæta við sætu og sýru og kemur víninu á hærra plan. Drykkurinn er alíslenskur fyrir utan Jim Beam viskíið auðvitað.

Siggi C. Strarup Sigurðsson barþjónn á Mat Bar blandaði þennan kokteil á Kokteilakeppni Jim Beam 2019 og lenti í 4-6 sæti. 

Sæmundur í Lopapeysunni / Smells Kinda Fishy

 

Uppskrift:

5 cl Jim Beam Double Oak infuserað með kakónibbum með frá Níkaragva

11 cl Hvannarsýróp úr villtri Hvönn, sykri og mysu

2 cl Sítrónusafi

3 cl Eggjahvíta

Allt hrist og sett í Iittala glas með límmiðanum á auk lopapeysu.

Skreytt með sýrðri hvönn, ferskum hvannarstilk sem rör og poppuðu þorskroði sem skal vera bragðbætt með kakónibbudufti og sykri.

Innblástur:

Land og sjór, saga og menning. Af landinu höfum við villta hvönn. Úr sjónum höfum við fiskroð. Saga þjóðarinnar væri engin ef ullin af kindum okkar væri ekki með. Í ferðamenningu okkar er áfengisdrykkja og súkkulaðiát.
Höfundur: Haukur Smári Gíslason barþjónn á Flóra Garden Bistro lenti í 4-6. sæti Kokteilkeppni 2019 með þessum drykk!

Ballin´ Carrots

 

Uppskrift:

50ml Jim Beam Devil’s Cut toppað með heimagerðu “carrot cream soda”

Ferskur gulrótasafi

Íslenskt skyr

Smá rabbabari og mysa til að balensera sætuna í gulrótunum

Íslenskt birki síróp

Klípa af íslensku sjávarsalti

Innblástur:

Mig langaði að gera einfalt twist á langvinsælast whiskey drykk í heiminum: Whiskey highball með alíslenskum hráefnum í nýjum búning.

Höfundur: Jónas Heiðarr barþjónn á Apotekinu lenti í 4-6. sæti Kokteilkeppni 2019 með þessum drykk!

Sturluson

 

Uppskrift:

6 cl Jim Beam White

2.25 cl sítrónusafi

2.25 síróp

1 jarðaber úr garðinum

Snorri bjór fyrir toppinn

Heimaræktað timjan

Innblástur:

Ég vildi nota hráefni sem ég gat fundið í garðinum mínum og ég vildi nota íslenskan bjór þar sem mikil bjórmenning ríkir á Íslandi. Einnig vildi ég gera einfaldan drykk með fáum hráefnum til þess að viskíið nái að skína sínu skærasta. 

Höfundur: Jakob Eggertsson barþjónn á Fjallkonunni lenti í 3. sæti Kokteilkeppni 2019 með þessum drykk!

Gluggaveður

 

Uppskrift:

45 ml Jim Beam White

30 ml Brennivín infusað vanillu skyri

20 ml sítrónu safi

20 ml sykur síróp

Toppað með Jim Beam Honey froðu

Innblástur:

Ísland er eitt af fáum löndum þar sem gluggaveður er sagt oft enda virkilega fallegt land en getur verið ískalt úti, eins og með drykkinn sjálfan, fallegur en ískaldur.

Höfundur: Patrick Örn Hansen barþjónn á Public House lenti í 2. sæti í Kokteilkeppni 2019 með þessum drykk!

Spuni

 

Uppskrift:

40 ml Jim Beam Black
20 ml Sítrónusafi
10 ml Krækiberjalíkjör 64Rvk
10 ml Vallhumalslíkjör heimagerður
Topp með Ginger Ale frá London essence

Innblástur:

Drykkurinn er hugsaður sem óður til Íslenska hestsins þar sem
hestamennskan er tengd við drykkjargerðina á mjög skemmtilegan hátt.

Höfundur: Andri Davíð Pétursson barþjónn á Krydd Restaurant vann Kokteilkeppni 2019 með þessum drykk!