Humarspaghetti í sítrónusósu
Fyrir 4
Hráefni
Um 650 g skelflettur humar frá Sælkerafiski (2 box)
100 g smjör
500 g spaghetti
6 hvítlauksrif
2 sítrónur (börkurinn)
50 ml sítrónusafi (um 1 sítróna)
200 ml pastavatn
Söxuð steinselja
Parmesan ostur
Hvítlauks brauðrasp (sjá uppskrift að neðan)
Góð ólífuolía
Salt, pipar og hvítlauksduft
Aðferð
Útbúið hvítlauks brauðrasp og leggið til hliðar.
Sjóðið spaghetti í vel söltu vatni samkvæmt leiðbeiningum á pakka.
Skolið og þerrið humarinn, steikið síðan upp úr um 50 g af smjöri, rífið um 3 hvítlauksrif yfir og kryddið eftir smekk. Steikið hann þó aðeins í stuttan tíma því hann er fljótur að eldast (1-2 mínútur). Takið af pönnunni og geymið á disk (með smjörinu/safanum) á meðan sítrónusósan er undirbúin.
Bætið restinni af smjörinu á pönnuna og steikið um 3 rifin hvítlauksrif stutta stund við meðalhita.
Bætið sítrónuberkinum, sítrónusafanum og smá af pastasoðinu saman við og leyfið aðeins að malla saman.
Bætið þá restinni af pastavatninu á pönnuna ásamt pasta og humri og blandið öllu vel saman.
Njótið með góðri ólífuolíu, steinselju, parmesan og stökkum hvítlauks brauðraspi.
Hvítlauks brauðrasp
Hráefni
3 heilhveiti brauðsneiðar (eða grófar)
2 hvítlauksrif
2-3 msk. ólífuolía
Smá salt og pipar
Aðferð
Ristið brauðsneiðarnar þar til þær verða vel stökkar. Rífið þær næst gróft niður
