Heitt Stroh súkkulaði með karamellusósu

Fyrir 3-4

Hráefni

Stroh 60, 60-100 ml

Mjólk, 500 ml

Vanilludropar, 0,5 tsk

Kanilstöng, 1 stk

Súkkulaði 56%, 150 g

Kakóduft, 1 msk

Hlynsíróp, 2 msk

Karamellusósa, 60 ml

Rjómi, 150 ml

Aðferð

Setjið mjólk, vanilludropa og kanilstöng í pott og stillið á miðlungshita. Hitið mjólkina þar til hún nálgast það að fara að sjóða.

Saxið súkkulaðið (geymið smá til skrauts). Lækkið hitann ögn og bætið súkkulaði út í pottinn ásamt kakóduft og hlynsírópi. Hrærið í þar til allt hefur samlagast. 

Takið af hitanum, fjarlægið kanilstöngina og hrærið Stroh saman við. Smakkið til með meira Stroh ef vill.

Léttþeytið rjómann. Skiptið heitu kakói á milli glasa, toppið með þeytum rjóma, karamellusósu og rífið súkkulaði yfir.

 

Uppskrift: Matur og Myndir