Ostakúla & Willm Crémant Rose
Hráefni
2 dl pekanhnetur
40 ml síróp
2 msk ólífuolía
1 og ½ pkn Sweet chili Philadelphia rjómaostur
1-2 msk smátt skorinn rauðlaukur
3 msk smátt skornir sólþurrkaðir tómatar
½ dl smátt skorin pimiento paprika
Aðferð
Byrjið á því að blanda pekanhnetum, sírópi og ólífuolíu saman.
Dreifið á bökunarplötu þakta bökunarpappír og bakið í 10-12 mínútur við 180°C. Hrærið reglulega í hnetunum og passið að þær brenni ekki.
Kælið hneturnar og skerið þær smátt.
Blandið saman rjómaosti, smátt skornum rauðlauk, smátt skornum sólþurrkuðum tómötum, smátt skorinni papriku og 1-2 msk af smátt skornum pekanhnetum.
Mótið kúlu úr rjómaostablöndunni með höndunum.
Dreifið pekanhnetunum á bökunarpappír og þekið rjómaostakúluna með þeim.
Setjið kúluna á fallegan disk eða bakka og berið fram með uppáhalds kexinu ykkar.
