Frönsk Lauksúpa

Uppskrift: Marta Rún Ársælsdóttir

Hráefni fyrir 2

4-5 laukar

4 msk smjör

1 tsk salt

½ bolli þurrt hvítvín

4 bollar vatn

2 tsk Oscar kjötkraftur

1 msk hveiti

Rifinn ostur

Hvítlauksgeiri

Brauð

Aðferð:

Forhitið ofninn í 220°gráður.

Skerið laukinn í þunnar ræmur og setjið hann í pott ásamt smjöri og leyfið honum að mýkjast á lágum hita í 20 mínútur.

Laukurinn á að vera ljósbrúnn og soðinn. Passið að brenna hann ekki.

Setjið vatn í pott ásamt kjötkrafti og búið til soð á meðan að laukurinn er að brúnast.

Þegar laukurinn er tilbúinn bætið þið hvítvíni og matskeið af hveiti út í og hrærið vel saman.

Soðinu er síðan bætt út í og súpan látin malla í 10 mínútur.

Smakkið til með salti og pipar.

Ristaðu brauðið og nuddið hvítlauksgeira á brauðið.

Setjið súpuna í tvær skálar sem þola að fara inní ofn og brauðsneiðarnar ofan á ásamt osti.

Setjið skálarnir inn í ofn á háan hita og takið út þegar osturinn er bráðnaður.

Vinó mælir með Willm Pinot Gris Reserve með þessum rétt.