Heitt jólakakó með Stroh
Uppskrift dugar í 3-4 glös
Hráefni:
500 ml nýmjólk
2 stjörnuanís
Börkur af hálfri appelsínu (í stórum sneiðum)
100 g dökkt súkkulaði
1 msk. sykur
1 msk. Cadbury bökunarkakó
¼ tsk. salt
¼ tsk. kanill
100-150 ml Stroh 60 romm
Þeyttur rjómi, súkkulaðispænir og rifinn appelsínubörkur til skrauts
Aðferð:
Setjið mjólk, stjörnuanís og börkinn af appelsínunni saman í pott og hitið að suðu, lækkið hitann og leyfið að malla í um 10 mínútur til að fá bragð af anís og appelsínu.
Veiðið þá börkinn og stjörnurnar upp úr pottinum og bætið súkkulaði, sykri, kakó, salti og kanil saman við og leyfið súkkulaðinu að bráðna við vægan hita og hrærið vel í á meðan.
Þegar súkkulaðið er bráðið má bæta Stroh saman við og skipta niður í glös.
Að lokum má setja vel af þeyttum rjóma í hvert glas og skreyta með súkkulaðispæni og appelsínuberki.
