Affogato eftirréttadrykkur
Hráefni sem þarf í hvert glas
Affogato er einfaldur ítalskur eftirréttur sem er hreint út sagt dúndurgóður! Ég elska Frappucchino og minnti þetta mig á slíkan drykk. Þessi eftirréttur myndi því henta vel þegar tími hefur ekki gefist til að undirbúa slíkan. Það þarf aðeins að hella upp á kaffi, hræra saman við sýróp og romm og setja ískúlur í fallegt glas eða skál.
Hráefni:
2 kúlur vanilluís
30 ml sterkt kaffi
30 ml Brugal Blanco Supremo romm
1 msk. maple síróp
Aðferð:
Hrærið saman heitu kaffi, rommi og sírópi.
Setjið 2 kúlur af ís í fallegt glas og hellið kaffiblöndunni yfir.
Fallegt er að sigta örlítið af bökunarkakó yfir í lokin.
Njótið eins fljótt og auðið er.
Einfalt, fljótlegt og gott, það er ekki hægt að biðja um mikið meira!
