Ostabakki og innbakaður brie

Hráefni:

• blámyglu ostur
• Hvítmyglu ostur
• Innbakaður brie með jarðaberja sultu
• Kex að eigin vali
• Jarðaber
• Brómber
• Græn vínber
• Grænar ólífur
• Chorizo
• Hráskinka
• Innbakaður brie með jarðaberjasultu:
  • Brie
  • Smjördeig
  • Jarðaberjasulta
  • Egg

Aðferð:

1. Afþýðið eina lengju af smjördeigi.
2. Kveikið á ofninum og stillið á 200°C.
3. Fletjið það út svo það stækki örlítið (svo það nái utan um ostinn).
4. Setjið olíu í eldfast mót.
5. Skerið ostinn í tvennt (þvert), setjið neðri hlutann af ostinum ofan á smjördeigið, setjið góða matskeið af sultu á ostinn og setjið efri partinn af ostinum létt ofan á, setjið aðra góða matskeið af sultu yfir.
6. Takið í hornin á smjördeiginu og klípið þau saman yfir ostinum eins vel og hægt er (ekki klessa hornin ofan í ostinn, þá sekkur smjördeigið ofan í sultuna og festist ekki saman), hornin geta losnað í ofninum, eins og gerðist hjá mér en það er í góðu lagi og að mínu mati mjög fallegt.
7. Setjið ostinn í eldfast mót.
8. Hrærið egg saman í skál og penslið eggi á smjördeigið.
9. Bakið inn í ofni í um það bil 20 mín eða þar til deigið er orðið vel púffað og byrjað að brúnast.