Grillaður maís með rjómaostasmyrju
Uppskrift dugar fyrir 6 stykki
Hráefni
6 x ferskur maís
230 g Philadelphia rjómaostur með lauk og graslauk
30 g rifinn parmesan ostur
1 msk. lime safi
1 tsk. Tabasco sósa
½ tsk. hvítlauksduft
½ tsk. paprikuduft
¼ tsk. chilli flögur
Salt og pipar eftir smekk
Smá smjör til penslunar
Ferskur kóríander til að strá yfir í lokin
Aðferð
Sjóðið maísinn og hitið grillið í botn.
Hrærið öllu öðru saman nema kóríander og smjöri.
Takið maísinn upp úr pottinum þegar hann er tilbúinn, makið á hann vel af smjöri og smyrjið með þunnu lagi af rjómaostasmyrjunni.
Grillið í stutta stund á öllum hliðum.
Toppið síðan með vel af rjómaostasmyrju, parmesan og smá chilliflögum ef þið þorið.
