Gin Fizz

 

Uppskrift: Hildur Rut

Hráefni:

5 cl Martin Miller’s gin
2,5 cl safi úr sítrónu
2,5 cl sykursíróp (eða hlynsíróp)
1 eggjahvíta
Klakar
5 cl sódavatn

Aðferð:

1. Hellið gini, safa úr sítrónu, sykursírópi og eggjahvítu í kokteilahristara og hristið vel í 15 sekúndur.
2. Bætið nokkrum klökum saman við (mér finnst best að hafa þá stóra) og hristið í 30 sekúndur.
3. Hellið í glas og bætið sódavatninu rólega saman við. Skreytið með sítrónu.

Sykursíróp

1. Blandið saman 200 ml af vatni og 200 g af sykri í pott.
2. Bræðið sykurinn á vægum hita og hrærið þar til hann leysist upp. Kælið. Tekur nokkrar mínútur.
3. Ég helli sykursírópinu ofan í flösku með tappa og geymi í ísskáp. Það geymist í um 1 mánuð.