Tacos með grilluðum kjúklingalærum og tómatsalsa
Fyrir 2-3
Hráefni
Kjúklingalæri (skinn & beinlaus), 450 g
Hvítlaukur, 3 rif
Oregano, 1 tsk
Cumin, 1 tsk
Hvítlauksduft, 0,5 tsk
Paprikuduft, 0,5 tsk
Cayennepipar, 0,5 tsk (má sleppa)
Límóna, 1 stk
Japanskt majónes, 60 ml
Sýrður rjómi, 60 ml
Cholula chili garlic, 1 msk / Eða uppáhalds hot sósan þín
Smátómatar, 100 g
Rauðlaukur, 20 g
Fetaostur hreinn, 30 g
Kóríander, 5 g
Romaine salat, 100 g / Eða íssalat
Avocado, 1 stk
Radísur, 2 stk
Litlar tortilla vefjur, 8 stk
Aðferð
Hrærið saman, 2 pressuð hvítlauksrif, 1 msk límónusafa, 2 msk olíu, oregano, cumin, hvítlauksduft, paprikuduft, cayennepipar og rúmlega 1 tsk af flögusalti. Setjið kjúklingalæri í skál, hellið marineringunni yfir og nuddið henni vel í kjúklinginn. Látið marinerast í 2-3 klst.
Hitið grill að 200°C eða ofn að 180°C með blæstri
Hrærið saman majónes, sýrðan rjóma og hot sósu. Smakkið til með salti.
Skerið smátómata í bita, pressið hvítlauksrif, saxið rauðlauk, myljið fetaost, rífið börk af límónu (varist að taka hvíta undirlagið með) og saxið kóríander smátt.
Setjið smátómata, helminginn af pressuðu hvítlauksrifi, rauðlauk, fetaost, límónubörk og kóríander í skál ásamt smá skvettu af ólífuolíu og kreistu af lime safa. Smakkið til með salti og restinni af pressaða hvítlauksrifinu ef þarf.
Hitið grill að 200°C og grillið kjúklingalærin í 12-16 mín (fer eftir stærð og þykkt) eða þar til kjúklingurinn er hvítur í gegn og fulleldaður. Snúið 2-3 sinnum yfir eldunartímann. Einnig má dreifa lærunum yfir bökunarplötu og baka í miðjum ofni í 30 mín.
Vefjið tortilla vefjum þétt inn í álpappír og hitið á grilli eða í ofni þar til vefjurnar eru heitar og mjúkar
Saxið romaine salat, sneiðið avocado og radísur.
Raðið sósu, romaine, kjúkling, tómatsalsa, avocado og radísum í vefjurnar og berið fram.
