Jalapeño „Poppers“
20 stykki
Hráefni
2 x kjúklingabringa frá Rose Poultry
10 stk. jalapeño (Ready to eat)
150 g Philadelphia rjómaostur
10-20 beikonsneiðar
110 g púðursykur
1 tsk. paprikuduft
1 tsk. laukduft
½ tsk. chilliduft
½ tsk. cheyenne pipar
½ tsk. salt
Aðferð
Hrærið púðursykri og öllum kryddum saman og skiptið niður í tvær skálar.
Skerið kjúklingabringurnar niður í strimla (c.a 10 úr hverri), setjið í aðra skálina með sykur-kryddblöndunni og veltið vel upp úr henni, geymið á meðan annað er undirbúið.
Skerið jalapeño í tvennt og hreinsið innan úr þeim, fyllið hvern helming með rjómaosti.
Setjið næst eina kryddaða sneið af kjúklingabringu ofan á rjómaostahliðina og vefjið síðan þétt inn í beikon. Það er misjafnt hvort það þurfi að nota heila eða hálfa sneið af beikoni eftir því hvað þær eru stórar. Gott er að miða við að endarnir séu báðir undir jalapeñoinu.
Hitið ofninn í 180°, raðið beikonvöfðu jalapeño á bökunarpappír í ofnskúffu og stráið restinni af sykur/kryddblöndunni yfir, ofan á beikonið.
Bakið í 25-30 mínútur eða þar til beikonið verður stökkt og kjúklingurinn er eldaður.
