Heimsins bestu nauta grillspjót með chimichurri
Fyrir 3-4
Hráefni
Nautalund, 800 g / Skorin í 4 cm bita
Grillpinnar, 6 stk
Rauðlaukur, 1 stk
Rauð paprika, 1 stk
Rósmarín, 2 stilkar
Hvítlaukur, 5 rif / 18 g
Ólífuolía, 120 ml
Breiðblaða steinselja, 30 g
Kóríander, 10 g
Þurrkað oregano, ¾ tsk
Chiliflögur, ½ tsk eða eftir smekk
Sítróna, 1 stk
Aðferð
Leggið grillspjótin í bleyti 60 mín áður en á að elda svo viðurinn brenni síður.
Tínið rósmarínlaufin af stilknum og saxið smátt. Við viljum vera með sirka 2 msk af söxuðu rósmarín.
Setjið kjötið í skál ásamt olíu, söxuðu rósmarín, 3 pressuðum hvítlauksrifum (12 g) og 1 msk af flögusalti. Blandið vel saman og látið marinerast í a.m.k. 30 mín
Saxið steinselju og kóríander mjög smátt. Setjið í skál ásamt olíu, chiliflögum, oregano, 1,5 pressuðu hvítlauksrifi (6 g) og 1 tsk af flögusalti. Kreistið um 1 msk af sítrónusafa saman við og smakkið svo til með meiri hvítlauk, salti og sítrónusafa ef þarf. Gott er að láta sósuna standa í a.m.k hálftíma.
Hitið grill upp í 200°C.
Skerið lauk og papriku í bita svipaða að stærð og kjötið. Þræðið kjötið, lauk og papriku til skiptis á grillspjótin og grillið í um 10 mín en snúið á 2,5 mín fresti.
Berið spjótin fram með t.d. grilluðum maís og sætum kartöflum.
