Vínklúbbur fyrir þau sem hafa áhuga á víni

Jarðarberja og sérrí trifle

Linda Ben ritar:

Trifle er kaldur eftirréttur sem inniheldur vanillu svampbotn með sultu, custard og rjóma. Trifle er einstaklega góður og sparilegur eftirréttur sem á vel við þegar gera á vel við sig. Oft er trifle borið fram í stórri skál og svo skammtar hver fyrir sig. Mér þykir þó alltaf skemmtilegra að útbúa smærri eftirrétti fyrir hvern og einn. Í þetta trifle notaði ég hvítan svampbotn, jarðarberja sultu, sérrí, fersk jarðarber, custard, rjóma og sítrónubörk. Hægt er að notast við hvaða góða svampbotn sem er, hér er mjög sniðugt að stytta sér smá leið og kaupa kökumix. Það er einnig sniðugt að gera kökuna og búðinginn einum til tveimur dögum á undan og minnka þannig stress við eldamennskuna. Þá er bara eftir að raða eftirréttinum saman sem tekur um það bil 15-30 mínútur.

Jarðarberja og sérrí trifle:

Aðferð:

  1. Bakið svampbotn samkvæmt leiðbeiningum og kælið hana svo. Á meðan kakan er inn í ofni, útbúið þá custard-ið.
  2. Blandið saman eggjarauðum, kornsterkju og sykri.
  3. Hitið mjólkina í potti þangað til hún er orðin volg, hellið henni þá í mjórri bunu út í eggjarauðu blönduna í mjórri bunu á meðan þið hrærið.
  4. Hellið svo eggja-mjólkurblöndunni aftur ofan í pottinn og hitið að suðu á meðan þið hrærið stanslaust í pottinum. Slökkvið strax undir pottinum þegar suðan er komin upp og blandan er orðin þykk.
  5. Setjið kremið í skál og leggið plastfilmu þétt við kremið, geymið inn í ísskáp þangað til komið er að því að raða saman eftirréttinum.
  6. Skerið svampbotninn þvert í tvennt, smyjið jarðaberja sultu á annan helminginn og lokið kökunni aftur.
  7. Með dessert glasinu, skerið út kökuna eins og sjá má á mynd hér fyrir ofan, hvolfið glasinu og þrífið glasbrúnina með hreinni tusku. Ef þið viljið bera réttinn fram á disk þá er hægt að nota smákökuform til að skera út kökuna.
  8. Setjið 1 msk af sérrí á hverja köku, reynið að bleyta hana allstaðar jafn mikið (notið teskeið ef ykkur finnst betra en þá þarf 3 teskeiðar)
  9. Skerið jarðaberin í sneiðar (skiljið 6 heil jarðaber eftir sem skraut) og skiptið þeim á milli glasa. Raðið nokkrum jarðaberjum á hlið kökunnar.
  10. Setjið 2-3 msk af custard í hvert glas.
  11. Þeytið rjómann og setjið 1-2 msk af rjóma í hvert glas.
  12. Setjið heilt jarðarber ofan í hvert glas og skreytið með rifnum sítrónuberki.

Share Post