Vínklúbbur fyrir þau sem hafa áhuga á víni

Grískar kjötbollur með jógúrt sósu og kúskús

Marta Rún ritar

Hráefni (kjötbollur):

1 pakki nautahakk

¼ bolli brauðrasp

¼ bolli steinselja eða kóríander

½ laukur

1 hvítlauksgeiri

2 msk sítrónusafi ásamt sítrónuberki af einni sítrónu 

1 egg

1 tsk oregano

½ tsk cumin

½ fetakubbur rifinn í litla bita

salt og pipar

Hráefni (Tzatziki jógúrt sósa):

1 agúrka (rifin niður með rifjárni)

1 bolli grísk jógúrt

safi úr einni sítrónu

½ tsk dill

½ rifinn hvítlaukur

salt og pipar eftir smekk


Aðferð:

Hitið ofninn á 200°.

Finnið til eldfastmót og bætið við olíu í botninn

Öllum hráefnunum er blandað saman í stórri skál, best er að nota hendurnar og blanda öllu saman, passið samt að

blanda þessu öllu ekki of mikið saman í kjötfass.

Búið til bollur sem eru eins og golfbolti að stærð og raðið þétt upp við hvor aðra í formið með olíunni.

Bakið í ofninum í 15-20 mín, þangað til þær eru farnar að sýna smá lit.

Á meðan bollurnar eru í ofninum getur þú búið til jógúrt sósuna.

Þar blandar þú öllum hráefnunum saman í skál og hún er tilbúin.

Kúskús
Skerðu niður grænmeti sem þú átt til í litla bita. Einnig gott að nota hnetur, ólífur og osta.
Sjóðið það magn af vatni sem þið þurfi með ½ tening af kjúklingakrafti og hellið yfir kúskúsið og látið standa í nokkrar mínútur. Hrærið með gafli og bætið smá olíu útí til að koma í veg fyrir að kúskúsið festist saman.
Bætið grænmetinu sem þið ætlið að nota saman við og saltið og piprið eftir smekk.


Vinó mælir með Pares Balta Mas Petit

Vinotek segir;

Mas Petit er lífrænt ræktað rauðvín frá hinu frábæra vínhúsi Pares Balta í Pénedes í Katalóníu á Spáni, blanda úr þrúgunum Garnacha og Cabernet Sauvignon. Vínin frá Cusine-fjölskyldunni katalónsku sem stendur á bak við Pares Balta eru ávallt heillandi, sjarmerandi og persónuleg og ekki spillir fyrir að fjölskyldan leggur gífurlega áherslu á eins náttúrulega og lífræna ræktun og framleiðslu og kostur  er á.

Vínið er rauðfjólublátt á lit, fersk angan af berjum og blómum, skógarber, kirsuber, ávöxturinn heitur, þroskaður, nær sultaður, en á sama tíma ferskur með fínni sýru, nokkuð kryddað, svartar ólífur, mild vanilla þægilegt og þéttriðið í munni.

2.299 krónur. Frábær kaup. Það kaupa örugglega margir vínið vegna þess að það er bæði lífrænt og vegan. Fyrst og fremst er það hins vegar bara virkilega gott. Fínt með kjöti og kryddjurtum, s.s. lambi og rósmarín.

Share Post