Smárréttaveisla
Fylltar döðlur í hnetuhjúp
Um 15 stykki stórar, ferskar döðlur
150 g Mascarpone ostur
2 msk. hunang
50 g saxaðar hnetur/möndlur að eigin vali (til dæmis pekanhnetur, kasjúhnetur, pistasíur, möndlur, jarðhnetur)
Aðferð
Skerið rauf í döðlurnar, fjarlægið steininn og opnið „vasa“ í þær.
Blandið Mascarpone osti og hunangi saman í skál, setjið í sprautupoka/zip lock poka og fyllið „vasana“ á döðlunum.
Leggið rjómaostahliðina ofan í skál með söxuðum hnetum/möndlum og veltið aðeins um svo það festist vel af blöndu við hverja döðlu.
Geymið í kæli þar til bera á fram.
Bakaður ostur með sýrópshnetum
Dala Auður
3 msk. púðursykur
3 msk. sýróp
¼ tsk. Cheyenne pipar
50 g saxaðar pekanhnetur
Aðferð
Hitið ofninn í 200°C.
Setjið ostinn í eldfast mót og bakið í um 10 mínútur, útbúið sýrópshneturnar á meðan.
Setjið sykur, sýróp og pipar í pott og náið upp suðunni, lækkið hitann og hrærið vel allan tímann þar til sykurinn er uppleystur.
Hellið þá hnetunum saman við og blandið vel, setjið að lokum blönduna úr pottinum yfir ostinn þegar hann kemur úr ofninum.
Melónuspjót
10 lítil tréprik
5 sneiðar hráskinka
10 Mozzarella kúlur með basilíku
10 melónukúlur úr um ½ kantalópumelónu
Fersk basilíka
Aðferð
Raðið upp á prik, 1 mozzarellkúlu, ½ hráskinkusneið og einni melónukúlu.
Saxið basilíku og stráið yfir.
Tómatadásemd með bufala osti
1 dós kirsuberjatómatar
1 x bufala mozzarellakúla (stór)
Nokkrar teskeiðar grænt pestó
Virgin ólífuolía
Salt og pipar
Aðferð
Skerið tómata niður á disk.
Rífið ostinn niður í bita og blandið með tómötunum.
Hellið smá ólífuolíu yfir allt, saltið og piprið.
Setjið smá pestó hér og þar og ferska basilíku til skrauts.
Berið fram sem salat, með ristuðu baguette eða kexi.
Brushetta með pestó
12-14 sneiðar baguette brauð
1 Dala brie ostur
Rautt pestó (um 1 krukka)
Ólífuolía
Salt og pipar
Basilíka og litlir tómatar til skrauts
Aðferð
Hitið ofninn í 200°C.
Skerið brauðið niður, hellið/penslið smá ólífuolíu á sneiðarnar og ristið í um 3 mínútur í ofninum.
Mini pavlovur
Um 10 stykki
3 eggjahvítur
150 g púðursykur
350 ml þeyttur rjómi
150 g Þristur
Karamellusósa (þykk íssósa)
Aðferð
Þeytið eggjahvíturnar þar til þær byrja aðeins að freyða og bætið þá sykrinum saman við í nokkrum skömmtum.
Stífþeytið þar til topparnir halda sér og sprautið litlar kökur á bökunarplötu (eða setjið á með tveimur matskeiðum), búið til smá holu í miðjunni með skeið til að betra sé að sprauta rjómanum á eftir bakstur.
Bakið við 110°C í rúma klukkustund og leyfið marengsinum síðan að kólna inn í ofninum í að minnsta kosti klukkutíma áður en rjóminn er settur á.
Stífþeytið rjómann og sprautið á hverja pavlovu, skerið Þrist í bita og stráið yfir og að lokum má „drissla“ karamellu yfir hverja köku.
