Kjúklingalæri í rjómalagaðri ítalskri sósu með hrísgrjónum og melónusalati.
Fyrir 2
Hráefni
Kjúklingalæri, skinn & beinlaus, 4 stk / Sirka 400 g
Töfrakrydd, 2 tsk / Pottagaldrar
Basmati hrísgrjón, 120 ml
Rjómi, 150 ml
Rjómaostur, 50 g / Philadelphia
Tómatpúrra, 2 msk / 30 g
Parmesanostur, 10 g
Kjúklingakraftur, 1 teningur
Hvítlauksduft, 0,5 tsk
Piccolo tómatar, 80 g
Fetaostur, 50 g
Klettasalat, 30 g
Rauðlaukur, 1 lítill
Breiðblaða steinselja, 5 g
Aðferð
Forhitið ofn í 180 °C með blæstri
Setjið kjúklingalæri í skál ásamt svolítilli olíu og kryddið með töfrakryddi. Látið marinerast í 30 mín.
Myljið kjúklingatening og rífið parmesanost. Hrærið rjómaost, rjóma, kjúklingatening, parmesanost, tómatpúrru og hvítlauksdufti saman í skál. Smakkið til með smá salti ef þarf.
Sneiðið tómata í tvennt. Raðið kjúklingalærum í eldfast mót og hellið rjómablöndunni yfir og meðfram kjúklingnum. Dreifið tómötum og fetaosti yfir og bakið í miðjum, ofni í 30 mín.
Setjið 180 ml af vatni í lítinn pott ásamt smá salti og náið upp suðu. Bætið hrísgrjónum út í pottinn og lækkið hitann í lága stillingu svo það rétt kraumi í pottinum. Látið malla undir loki í um 13 mín. Takið hrísgrjónin af hitanum og látið standa undir loki í um 10 mín.
Skerið melónu í bita og sneiðið rauðlauk eftir smekk. Setjið melónubita, rauðlauk og klettasalat í skál og blandið saman.
Saxið steinselju og stráið yfir réttinn þegar hann kemur úr ofninum.
