Grilluð satay kjúklingalæri
Fyrir 2-3
Hráefni
Kjúklingalæri (skinn & beinlaus), 600 g
Tælensk karríblanda, 2 msk / Kryddhúsið
Litlar agúrkur, 100 g
Rautt chili, 1 stk
Kóríander, 5 g
Salthnetur, 20 g
Kókosmjólk, 1 dl
Hnetusmjör, 50 g
Sojasósa, 1 tsk
Púðursykur, 1 msk
Rautt karrímauk, 2 tsk / Thai choice
Límóna, 1 stk
Rauðkál, 150 g
Grillpinnar, 4 stk
Basmati hrísgrjón, 1 dl
Aðferð
Leggið grillpinna í bleyti a.m.k. 30 mín áður en elda á matinn.
Skerið kjúklingalærin í 3-4 bita (fer eftir stærð). Setjið í skál með olíu, salti og tælenskri karríblöndu. Blandið vel saman og látið marinerast í a.m.k. 30 mín.
Setjið 1,5 dl af vatni ásamt svolitlu salti í lítinn pott og náið upp suðu. Bætið hrísgrjónum út í og lækkið hitann svo það rétt kraumi í vatninu. Látið malla undir loki í 13 mín, takið svo af hitanum og látið standa undir loki í 10 mín.
Setjið kókosmjólk, hnetusmjör, sojasósu, púðursykur, rautt karrímauk, 0,5 dl af vatni og kreistu af límónusafa í lítinn pott og stillið á miðlungshita. Hrærið í þar til sósan er byrjuð að þykkjast og allt hefur samlagast. Ef sósan þykkist of mikið má þynna hana með ögn af vatni. Smakkið til með salti.
Þræðið kjúklinginn á spjótin og grillið á 200°C heitu grilli í 10-12 mín en snúið á 2 mín fresti.
Saxið hnetur, sneiðið rauðkál mjög þunnt, sneiðið chili, saxið kóríander og sneiðið agúrkur.
Pennslið kjúklingaspjótin með satay sósu og stráið því næst chili, kóríander og hnetum yfir.
Berið fram með auka satay sósu til hliðar.
