Andalæri í appelsínusósu
Hráefni
1 dós niðursoðin andalæri
Rósakál
Kartöflumús (hér fyrir neðan)
Appelsínusósa (hér fyrir neðan)
Aðferð
Kveikið á ofninum og stillið á 200°C, undir og yfir hita.
Raðið andalærunum í eldfast mót, takið sem mest af fitunni af lærunum fyrst. Bakið inn í ofni í u.þ.b. 30-35 mín.
Setjið rósakálið í eldfast mót ásamt örlítið af andarvitunni, u.þ.b. 1 msk, veltið því vel upp úr, kryddið með salti og bakið inn í ofni í 30-35 mín.
Útbúið sósuna og kartöflumúsina á meðan þetta er inn í ofni.
Appelsínu sósa
Hráefni
100 g sveppir
1 msk smjör
4 msk sykur
1 dl vatn
1 dl hvítvín
1 tsk hvítvínsedik
4 dl nýkreistur appelsínusafi
400 ml vatn
1 msk andakraftur
50 g kalt smjör í teningum
Salt og pipar
Sósu þykkir eftir þörf
Aðferð
Setjið sykur og vatn á pönnu og leyft að sjóða þar til karamellan hefur brúnast.
Skerið niður sveppina og steikið upp úr smjöri á annarri pönnu.
Hvítvíninu og hvítvínsedikinu er bætt út á karamelluna, hrærið saman við og soðið þar til sósan er orðin þykkt síróp.
Hellið appelsínusafanum út á og hrærið saman við. Sósan er látin sjóða niður u.þ.b. helming.
Bætið vatninu, sveppunum og kraftinum út í og þykkið með sósu jafnara, hrærið vel í.
Slökkvið undir sósunni og bætið smjörinu út í, hrærið í sósunni og passið að hún sjóði ekki eftir að smjörið hefur farið út í.
Smakkið til með salti og pipar.
Kartöflumús
Hráefni
1000 g forsoðnar kartöflur
100 g smjör
1 ½ dl mjólk
1 msk sykur
Salt og pipar eftir smekk
Aðferð
Setjið kartöflurnar í hrærivél eða stappið með kartöflustappara. Bræðið smjörið og blandið saman við ásamt mjólkinni.
Kryddið til með salti og pipar.
