Bláber, rósmarín & gin
Hráefni
Gin, 6 cl
Bláberjasíróp*, 3 cl
Nýkreistur sítrónusafi, 3 cl
Rósmaríngrein, 2 stk
Sítrónusneið, til skrauts
Bætið gini, hunangs-bláberjasírópi, sítrónusafa og lítilli rósmaríngrein út í kokteilhristara ásamt helling af klökum. Hristið vel í stutta stund og síið svo í kælt glas fyllt af muldum klökum.
Skreytið með rósmaríngrein og sítrónusneið.
Hunangs-bláberjasíróp
Hráefni
Bláber, 80 g
Hunang, 30 ml
Vatn 30 ml
Sítrónubörkur, 2 cm ræma
Aðferð
Setjið öll hráefni í lítinn pott og kremjið berin. Stillið á miðlungshita og látið malla í nokkrar mín þar til sírópið hefur tekið fallegan lit og er aðeins byrjað að þykkjast.
Síið í glas og kælið. Úr þessari uppskrift ættu að verða um 6 cl af sírópi en það má auðveldlega skala uppskriftina upp ef þarf.
