Brakandi ferskt kjúklingasalat með avocado, mangó og hunangs-lime dressingu
Fyrir 2
Hráefni
Kjúklingalæri (skinn & beinlaus), 400 g
Miðausturlenskt kjúklingakrydd, 1,5 msk / Kryddhúsið
Límónusafi, 2 msk
Ólífuolía, 4 msk
Hunang, 1 msk
Smátt saxaður kóríander, 2 msk
Hvítlauksrif, 1 lítið
Avocado, 1 stk
Mangó, 1 stk
Sólskinstómatar, 120 g
Rauðlaukur, ½ lítill
Radísur, 4 stk
Ristuð graskersfræ, 5 msk
Ferskt salat, 100 g, td romaine og/eða íssalat
Spírur eftir smekk, td radísuspírur
Aðferð
- Setjið kjúklingalæri, miðausturlenskt kjúklingakrydd og 1,5 tsk af flögusalti í skál með skvettu af olíu og blandið vel saman. Látið marinerast í 30 mín.
- Stillið ofn á 200°C með blæstri.
- Dreifið kjúklingalærunum yfir ofnplötu með bökunarpappír og bakið í miðjum ofni í 25 mín eða þar til kjúklingurinn er fulleldaður og búinn að brúnast fallega.
- Setjið límónusafa, ólífuolíu, 1 lítið pressað hvítlauksrif, hunang, saxaðan kóríander og smá salt í litla krukku með loki eða tóman hreinan kryddstauk með loki og hristið duglega þangað til allt hefur blandast saman og falleg dressing hefur myndast.
- Skerið mangó og tómata í bita, neiðið avocado, rauðlauk og radísur. Skerið kjúklingalærin í bita.
- Rífið/skerið salat eftir smekk og veltið upp úr helmingnum af dressingunni. Skiptið salatini á milli skála og toppið með restinni af hráefnunum og dreipið restinni af dressingunni yfir eftir smekk
