Vínklúbbur fyrir þau sem hafa áhuga á víni

Tómat og Mozzarella Spaghetti

Marta Rún ritar:

Þessi réttur er mjög einfaldur og fljótlegur í framkvæmd og inniheldur fá hráefni sem vinna vel saman. Freskur Mozzarella ostur, tómatar og basilika er salat sem við þekkjum flest öll en hérna bætum við spaghetti við og útkoman er dásamleg.

Hráefni:

  • 3 hvítlauksgeirar
  • ¼ ferskur chilli pipar eða ½ tsk þurrkaður chilli pipar
  • 400 g kirsuberjatómatar
  • ólífuolía
  • salt & pipar
  • lúka af ferskri basilíku
  • 200 g pasta
  • 1 poki litlar mozzarella kúlur eða einn mozzarella bolti

Aðferð:

Skerðu hvítlaukinn og chilli-piparinn í þunnar sneiðar og tómatana í fernt. Hitaðu pönnu við miðlungshita og settu 3 matskeiðar af olíu út á pönnuna og steiktu hvítlaukinn  og chilli-piparinn í 2 mínútur.

Bættu tómötunum útá pönnuna, ásamt basilikunni, salti og pipar.

Bættu við smá soðnu pasta vatni og láttu malla saman í 10 mínútur.

Eldaðu spaghetti eftir leiðbeiningum þangað til það er al dente eða þannig það þurfi aðeins að bíta í það og það sé ekki alveg soðið í gegn.

Sigtið vatnið frá og bætið smá af soðinu útá pönnuna og slökkvið undir hitanum. Bætið helmingnum af mozzarella kúlunum útí pastað og blandið öllu vel saman.

Raðið nokkrum mozzarella kúlum svo yfir í lokinn með ferskri basilíku og parmesan osti.

Með þessum dásamlega pastarétti mælir Vino með nýju rauðvínunum frá Ramon Roqueta sem fást nú í helstu verslunum Vínbúðanna.

Ramon Roqueta Tempranillo

Fjólurautt, meðalfylling, ósætt, fersk sýra og þurrkandi tannín. Dökk ber og banani.

Verð. 1899 kr.

 

Ramon Roqueta Garnacha 

Rúbínrautt, meðalfylling, ósætt, fersk sýra og mild tannín. Höfugt, brómber, plóma, laufkrydd og lyng.

Verð. 1899 kr.

Share Post