Vínklúbbur fyrir þau sem hafa áhuga á víni

Lambakjötssalat með ferskjum og mozzarella osti

Marta Rún ritar:

Það eru til fullt af góðum leiðum aðrar en að borða góða steik með kartöflum og sósu. Þessi uppskrift á við allt árið um kring. Salatið er ekki bara fallegt á að líta heldur ótrúlega bragðgott. Grillaðar ferskjur og ferskur mozzarella ostur passa fullkomlega með lambakjötinu.

Hráefni:

  • 1 stk lambafille
  • 1 stk ferskja
  • 1 stk kúrbítur
  • Salatblanda eftir smekk
  • 1 stk mozzarella ostakúla
  • 1 stk rauðlaukur
  • Salt & Pipar

Salatdressing:

  • 1 lítil dós grískt jógúrt
  • Safi úr hálfri sítrónu
  • 1 tsk Dijon sinnep
  • 1 msk ólífuolía
  • klípa af salti
  • saxaðar ferskar kryddjurtir ég nota dill en þú getur notað þær jurtir sem þér þykir góðar.

Aðferð:

  1. Finnið til stóran disk eða skál og veljið þá salatblöndu sem ykkur þykir best.
  2. Skerið laukinn í þunnar sneiðar og rífið mozzarella kúluna í litla bita yfir salatið.
  3. Finnið til grillpönnu, steikið lambakjötið þangað til að það er orðið miðlungssteikt. Kryddið kjötið með salti og pipar og leggið það til hliðar.
  4. Skerið kúrbít í hálfmána sneiðar og steikið í nokkrar mínútur þangað til það er komið með fallegar grillrendur.
  5. Þá næst skuluð þið skera ferskjurnar niður í sneiðar og grilla þær líka á pönnunni þar til þær hafa fengið fallegar grillrendur.
  6. Blandið öllum hráefnum saman í skál fyrir dressinguna og smakkið til.
  7. Raðið öllu yfir salatblönduna með smá salatdressingu ásamt því að bera dressinguna með til hliðar.
  8. Saltið og piprið yfir salatið og berið fram.

Með þessu ljúffenga salati mælir Vino með Ramon Roqueta Tempranillo

Fjólurautt, meðalfylling, ósætt, fersk sýra og þurrkandi tannín. Dökk ber og banani.

Verð. 1899 kr.

Share Post